Almaty áskerge shaqyrylatyndar esepke alynýda
Qalalyq qorǵanys isteri jónindegi departamentinde habarlaǵandaı, 2017 jyldyń qańtary men naýryz aıy aralyǵynda 2000 jyly týǵan 5 myńnan astam qazaqstandyqtyq áskerı esepke qabyldaý josparlanýda.
Tirkeý shaqyrylatyn kontıngenttiń sanyn, bilim men dene daıyndyǵy deńgeıin, sondaı-aq, áleýetti shaqyrylýshylardyń áskerı qyzmetke jaramdylyq dárejesin aıqyndaýǵa múmkindik beredi. Ol tıisti qorǵanys isteri jónindegi departamenti jáne óńirdiń jergilikti atqarý organdarynyń baqylaýymen jergilikti áskerı basqarý organdary arqyly júzege asyrylady.
Azamattardy medıtsınalyq kýálandyrýdan ótkizý jáne olardyń áskerı qyzmetke jaramdylyǵyn anyqtaý úshin medıtsınalyq komıssııa jasaqtalady. Tirkeý barysynda Qorǵanys mınıstrliginiń joǵary oqý oryndaryna túsý jóninde úgit-nasıhat jumysy júrgiziledi. Onyń ishinde, bozbalalarǵa áskerı joǵary oqý oryndary men Kadet korpýsyn támamdaǵannan keıingi perspektıvalar týraly aıtyp beredi.
Elimizdiń áskerı oqý oryndarynda oqýǵa nıet bildirgender men jaramdylar anyqtalatyn bolady. Azamattardy shaqyrý ýchaskelerine tirkeý Qazaqstanda jyl saıyn ótkiziletinin aıta ketý qajet.
Ótken jyldyń osy kezeńde elimizdiń túkpir-túkpirinde shamamen 100 myńnan astam adam áskerı esepke qabyldandy. Olardyń birshamasy bir jyldan keıin merzimdi áskerı qyzmetke shaqyrý kezinde Qarýly kúshter qataryn tolyqtyrdy.