Almaty ákiminiń orynbasary Maqsat Qıqymov jumystan ketti
«Búgin - meniń Almaty qalasy ákiminiń orynbasary laýazymyndaǵy sońǵy kúnim. 10 jyl boıy Ońtústik astana ákimdiginde úzdiksiz jumys istedim. Bul ýaqyt ishinde biz sizdermen birge qalamyzdyń ıgiligi úshin kóp nárse jasaı aldyq. Qoldaý men keri baılanys úshin árqaısyńyzǵa rahmet! Syndarly syn men keremet qalany qurý jónindegi baǵytty qoldaýdyń arqasynda Almaty túbegeıli ózgerdi. Bul almatylyqtardyń qalanyń naǵyz ıeleri jáne ol úshin shyn júrekten qýanatynyn bildiredi», - dep jazdy Maqsat Qıqymov.
Ol sondaı-aq qalanyń eks-ákimi Baqytjan Saǵyntaevqa pen áriptesterine, qoǵamdyq uıym ókilderine alǵysyn jetkizdi.
«Baqytjan Saǵyntaevqa, barlyq áriptesterime, ákimdik qyzmetkerlerine, máslıhat depýtattaryna, qoǵamdyq keńeske, qoǵamdyq uıymdarǵa, kommýnaldyq kásiporyndar men mekemelerge alǵysymdy bildiremin. Biz birge barlyq ózekti máselelerdiń túbine jetýge jáne olardy ortaq kúsh-jigermen sheshýge tyrystyq. Sizderge qala taǵdyryna beı-jaı qaramaǵandaryńyz úshin jáne qyzyqty da umytylmas 10 jyl úshin rahmet», - dedi ol.
Sonymen qatar, Maqsat Qıqymov Almaty qalasy óziniń týyp-ósken, oqyǵan, úılengen, áke atanǵan qala ekenine toqtaldy.
«Men munda ómirge keldim, oqydym, úılendim jáne úsh balanyń ákesi atandym. Qalamyzdy shyn júrekten jaqsy kóremin. Ol men úshin erekshe qala, munda jarqyn, serpindi, jańa realıılarǵa tez beıimdeletin ózindik ómir yrǵaǵy bar», - dep jazdy ol.
Eske salsaq, Maqsat Qıqymov 2020 jyldyń aqpan aıynda Almaty qalasy ákiminiń orynbasary laýazymyna taǵaıyndalǵan bolatyn.