Almaty ákiminiń orynbasary qısaıǵan úıde túnep shyqty

ALMATY. QazAqparat - Almaty ákiminiń orynbasary Muhıt Ázirbaev qısaıǵan úıde túnep shyqty, dep habarlaıdy QazAqparat tilshisi.

«Zerdeli» shaǵynaýdanynda ornalasqan 9 qabatty úıdiń qaýipsiz ekenin dáleldeý maqsatynda ákimniń orynbasary Muhıt Ázirbaev bul úıde túnep shyqty.

Bul aqparatty turǵyndar rastady. Máseleni sheshýge kelgen sheneýniktenolar úıde qalyp, qonyp shyǵýdy suraǵan.

Aıta ketý kerek, Almatyda «Zerdeli» shaǵynaýdanynyń turǵyndary 9 qabatty úıdiń qısaıǵanyn aıtyp, dabyl qaqqan bolatyn.

«Bizdiń úıdiń máselesi bir sheshimin tapqansha múlkimizben qosa qaýipsiz jerge kóshirýdi suraımyz»,- dedi turǵyn Ásel Sadyqova.

Al qalalyq ákimdik arnaıy tekserý nátıjesinde turǵyndardyń alańdaýyna negiz joq ekenin aıtqan bolatyn.