Almaty ákimi joǵary oqý oryndarynyń rektorlarymen kezdesti
dep habarlaıdy QazAqparat.
Jıyn barysynda Elbasynyń halyqqa Joldaýy men ondaǵy mindetterdi júzege asyrý barysyndaǵy jastardyń orny talqylandy. Sonymen qatar, bilim berýdi jetildirý men halyqaralyq deńgeıde básekege qabiletti ıntellektýaldy jastardy tárbıeleý máselesi sóz boldy.Qala ákimi bul baǵytta jastarǵa ózderiniń shyǵarmashylyq áleýetin tolyq júzege asyra alýyna barlyq jaǵdaıdy jasaý qajettigin atap ótti.
«Memlekettiń damýy kóp jaǵdaıda bilim berý salasynyń deńgeıi men mamandardy daıyndaý, olardyń kásibıligi, olarǵa patrıotyq tárbıe berýge baılanysty», dedi qala ákimi. Ol óz sózinde jastardyń qylmysqa boı urmaýy máselesin de atap ótti.Buǵan qatysty sóz alǵan qalalyq Іshki ister departamentiniń bastyǵy Erlan Turǵymbaev jastardyń qylmysqa jol bermeýi úshin stýdenttik qalashyqtarda polıtsııa pýnktteriniń ashylǵandyǵyn, sondaı-aq bul baǵytta arnaıy stýdenttik otrıadtardyń jumys isteıtindigin aıtady. Búginde atalǵan otrıadtarda 500-den astam stýdent jumys isteıdi. Kezdesý barysynda sóz alǵan ál-Farabı atyndaǵy QazUÝ rektory Baqytjan Jumaǵulov qaladaǵy joǵary oqý oryndarynyń eldiń ınnovatsııalyq-ındýstrııalyq damýyna óz úlesterin qosýǵa daıyn ekendikterin bildirdi. Rektordyń aıtýynsha, bul sharanyń basy retinde Almaty ákimdigimen birge Joǵary oqý oryndary qaýymdastyǵy alǵashqy ınnovatsııalyq konvent ótkizedi. Bunda 30-ǵa jýyq ınnovatsııalyq jobalar qatysyp, jeńimpazdaryna olardy júzege asyrýǵa múmkindik beriledi. Kezdesý sońynda qala ákimi rektorlardyń eńbegin joǵary baǵalap, barlyqtarynyń aldynda Elbasy qoıǵan ıntellektýaldy, patrıot, básekege qabiletti jastar tárbıeleý mindeti turǵanyn atap ótti.
Anyqtama: Qazirgi kezde Almatyda 52 joǵary oqý orny, 69 kolledj, 11 kásiptik-tehnıkalyq lıtseı jumys isteıdi. 14 pen 29 jas aralyǵyndaǵy jastardyń sany 390 myń adamdy nemese qala halqynyń 30 paıyzyn quraıdy. Stýdentterdiń jalpy sany 265 myń adam, onyń 187 myńy joǵary oqý oryndarynda, 65500-i kolledjderde oqıdy.