Almaty ákimi týrısterge arnalǵan tramvaıdy jolǵa shyǵarýdy usyndy

ALMATY. QazAqparat - Almaty turǵyndarymen kezdesýinde Baqytjan Saǵyntaev Kókbazardan tómengi aımaqta arnaıy týrıstik tramvaıdy jolǵa shyǵarýdy usyndy, dep habarlaıdy QazAqparat tilshisi.

«Meniń oıymsha, burynǵy tramvaı júıesin qaıtarý múmkin emes. Bul bizdiń qalamyzdyń tarıhy bolyp qalady. Qazir elektr jelisimen júretin elektrobýstar, BRT, LRT sııaqty kóliktermen sheshilip jatyr», - dedi ol.

Qala ákimi Stambýldaǵydaı týrısterge arnalǵan tramvaı shyǵarýdy usyndy.

«Ol jaqta arnaıy kóshe bar. Ol kóshede tramvaı júredi. Bul kólik eski qalany aralatyp kórsetedi. Kókbazardyń aınalasynda bizde de eski úıler kóp. Bizde osy oraıda ıdeıa týdy. Biz de eski qalany aralataý úshin qalaǵa kelgen týrısterge osy múmkindikti paıdalansaq. Al, barlyq qalada qaıtadan tramvaı jelisi salynbaıdy», - dedi ákim.

Aıta keteıik, Almatyda Baqytjan Saǵyntaevtyń esepti kezdesýi ótip jatyr.

Jıynda ákim qala úshin 400 jańa avtobýs satyp alynatynyn habarlady.

Sondaı-aq Almaty menshigine 383,5 gektar jer qaıtarylǵandyǵyn aıtty.