Almaty ákimi referendýmda daýys berdi
09:12, 05 Maýsym 2022
ALMATY. QazAqparat - Almaty ákimi Erbolat Dosaev jubaıymen birge referendýmda daýys berdi, dep habarlaıdy QazAqparat tilshisi.
Referendým ýchaskesine alǵashqylardyń biri bolyp Almaty qalasynyń basshysy jubaıymen birge keldi. Olar Mánshúk Mámetova atyndaǵy №28 mektep-lıtseıde ornalasqan №358 referendým ýchaskesinde daýys berdi.
«Búgin bizdiń memleketimiz úshin jáne onyń azamaty retinde men úshin óte mańyzdy kún. Búgin elimiz óziniń bolashaǵyn aıqyndaıdy. Men saılaý ýchaskesine elimizdiń bolashaǵy, memlekettiń beıbitshiligi men gúldenýi, Almaty men qala turǵyndarynyń birlik-berekesi úshin daýys berýge keldim», – dedi Erbolat Dosaev.
Aıta keteıik, búgin elimizde Qazaqstan Respýblıkasynyń Konstıtýtsııasyna túzetýler boıynsha jalpyulttyq referendým ótip jatyr.