Almaty ákimi qalanyń jol ınfraqurylymy qurylysynyń barysymen tanysty
Qala basshysy Abdýlın kóshesi men oǵan jaqyn ornalasqan jerlerge júrgizilgen aǵymdaǵy jóndeý jumystaryn kórdi. Bógenbaı batyr kóshesinen Tóle bı kóshesine deıingi joldyń shyǵys jaǵynda trotýardyń joqtyǵyn, synǵa aldy. Megapolıs basshysy qalanyń qurylymdyq bólimshelerine qorshaýdy alyp tastaýdy, trotýar jasaýdy tapsyrdy.
Almaty qalasy Jolaýshylar kóligi jáne avtomobıl joldary basqarmasynyń basshysy Maqsut Isahov bıylǵy jyly Almatyda 102 ótpeli joldyń qaıta jasalyp, tún mezgilinde jaryqpen qamtamasyz etiletinin aıtty.
«Bıylǵy jyly baǵdarsham arqyly retke keltiriletin 10 ótpeli jol salynady ári qorshalady. Qorshaý konstrýktsııasy qarastyrylǵan, balalar men jaıaý júrginshilerge qolaıly, júrgizýshilerdiń jaqsy kórýi de qamtamasyz etilgen, balalar jaqyndaǵan avtokólikti birden baıqaıdy. Búgingi kúni mektepter mańynda osyndaı 62 ótpeli jol bar», - dedi M.Isahov.
Tekserý barysynda megapolıs basshysy Fýrmanov kóshesinen Jansúgirov kóshesine deıin temirjol arqyly estakadany qosa qıyp ótip, joldy uzartý, jol aıryqtaryn jáne qalaǵa qosylǵan eldi mekenderde jol salý strategııalyq is-sharalar bolyp tabylatynyn atap ótti.
Qazirgi kezde qalada Hmelnıtskıı kóshesi Súıinbaı kóshesinen Jas-qanat yqsham aýdanyna deıin úńgilenýde. Sonymen qatar Abaı dańǵylynan, Áýezov kóshesinen Qalqaman eldi mekenine, odan qala shekarasyna deıin jol tartylady, al Seıfýllın, Jansúgirov kósheleri men Rysqulov dańǵyly, Emtsov kóshesi men Qulja trakti boılarynda jol aıryqtary salynady, BRT jelisi boıynsha jol-kóshe júıesi qaıta jasalady. Naýryzbaı aýdanyndaǵy Qalqaman jáne Alty alash eldi mekenderinde uzyndyǵy 17,335 km bolatyn, Alataý aýdanynyńda Alǵabas jáne Aqbulaq eldi mekenderinde uzyndyǵy 10,993 km bolatyn joldar salynady.