Almaty ákimi Erbolat Dosaev Jetisý aýdanynda bolyp, turǵyndarmen kezdesti
Qazirgi kezde yqshamaýdan turǵyndaryna yńǵaıly bolý úshin otbasylyq-dárigerlik ambýlatorııa salynýda, sebebi, jaqyn mańdaǵy emhana 4 shaqyrym jerde ornalasqan. Medıtsınalyq mekeme alǵashqy naýqastardy bıylǵy jyldyń kúzinde qabyldaı bastaıdy.
Kemel yqshamaýdanynyń turǵyndary aýyz sýǵa qol jetkizýde únemi qıyndyqtarǵa tap bolýda. Sýmen jabdyqtaýdy elektr sorǵylary qamtamasyz etedi, elektr qýaty ajyratylǵan kezde halyqta sý bolmaıdy. Bul problemalar oblystyń qalamen shekaralary ózgergen kezde «mura» retinde qalǵan. «Shetsiz qala» baǵdarlamasyn iske asyrý aıasynda osy máselelerdi sheshý úshin ınjenerlik jelilerdiń eki jobasy (elektrmen jabdyqtaý jáne sý burýmen sýmen jabdyqtaý) ázirlendi. Qurylys-montaj jumystary 2022 jyldyń ekinshi toqsanyna josparlanǵan. Qala basshysy aýdan ákimine osy jobalardyń iske asyrylýyn erekshe baqylaýda ustaýdy tapsyrdy.
Yqshamaýdan turǵyndarynyń demalýyna jaıly jaǵdaı jasaý maqsatynda 10 myń adamdy qamtı otyryp, demalys jáne belsendi demalys aımaqtaryn abattandyrý jobasy qarastyrylýda. Kemel yqshamaýdanynda jaǵalaý aımaǵyn salý jobasy 2020 jyly ázirlendi. Nysannyń qurylysy úshin respýblıkalyq bıýdjetten 789,8 mln teńge somasynda qarjy suraldy.
Aýdandy aralaý barysynda Almaty ákimi qart adamdar ıogamen, horeografııamen, aıkýnmen, skandınavııalyq eńbek terapııasymen aınalysatyn, aǵylshyn jáne qazaq tilderin oqytatyn (aı saıyn 70-80 adam barady) Mádenıet úıiniń jumysymen tanysty, turǵyndarmen kezdesti, olardyń ótinishteri men usynystaryn tyńdady. Ózekti taqyryptardyń qatarynda qoǵamdyq kólik aıaldamalaryn uıymdastyrý, avtobýs baǵyttaryn ózgertý jáne t.b. máseleler kóterildi. Kezdesý qorytyndysy boıynsha qala basshysy qalalyq Mobıldilik basqarmasyna qoǵamdyq kólik qozǵalysyna saraptama júrgizýdi jáne turǵyndardyń máselelerin qaraý úshin tıisti sharalar qabyldaýdy tapsyrdy.
Qala ákimi Dýlyǵa kóshesindegi apatty jaǵdaıdaǵy úılerdiń turǵyndarymen de kezdesti. Tıisti sharalar qabyldaý úshin másele baqylaýǵa alyndy.
Jaqyn arada Kemel men Kókjıek yqsham aýdanynyń balalary Jaısań kóshesinde ornalasqan dene shynyqtyrý-saýyqtyrý kesheniniń sektsııalaryna tegin bara alady. Onyń qurylysyn osy jyldyń 1 toqsanynyń sońyna deıin aıaqtaý josparlanýda.
Kókjıek yqshamaýdanynda qala ákimine jańa qaraǵaı ormanynyń aýmaǵy kórsetildi. «Taza Qazaqstan» ekologııalyq jobasyn iske asyrý aıasynda 3,1 gektar jerge 1 500-den astam qaraǵaı men 11 myńnan astam tal otyrǵyzyldy. 65 metr tereńdikte sorǵyny ornatý boıynsha jumystar júrgizildi, 25 tekshe metr sýǵa qatysty 2 rezervýar ornatyldy. Qazirgi kezde aǵash kóshetterin tamshylatyp sýarý tetikterin ornatý jumystary júrgizilýde. Qala basshysy bıylǵy jyldyń sýarý maýsymyna baılanysty Jasyl ekonomıka basqarmasy jumystardy aıaqtaýy tıis ekenin atap ótti.
Aýdandy aralaý barysynda Erbolat Dosaev Kókjıek yqsham aýdanyndaǵy №177 mektepke bardy. Oqý mekemesi qosymsha qurylys salý esebinen 600 orynǵa keńeıtildi, bul oryn tapshylyǵy máselesin sheshýge yqpal etti.
Qala ákimimen kezdesý barysynda Jumysshy kentiniń turǵyndary medıtsınalyq qyzmetterge qoljetimdilik máselesi jóninde aıtyp berdi. Turǵyndar basqa aýdandardyń emhanalaryna barýǵa májbúr. Erbolat Dosaev aýdan ákimine jańa emhana salý úshin qolaıly jer ýchaskesin izdeý boıynsha sharalar qabyldaýdy tapsyrdy.
Jumys saparynyń sońynda qala ákimi «2021-2025 jyldarǵa arnalǵan turǵyn úı qoryn jańartý baǵdarlamasy» aıasynda Krylov, Skrıabın, Goncharov kósheleri men Raıymbek dańǵylynyń aýmaǵynda salynyp jatqan úılerdiń qurylys barysymen tanysty. Qazirgi kezde qurylys-montaj jumystary júrgizilýde, 30 eski ekiqabatty úıdi súrilip jatyr, olardyń ornynda 2024 jylǵa deıin 24 kóppáterli úı (buzylǵan 11 úıdiń ornynda 9 úı aǵymdaǵy jyldyń sońyna deıin tapsyrylady) salynady.
Aralaý qorytyndysy boıynsha qala basshysy Jetisý aýdanynyń ákimi G. Kókebaevanyń jumysyn maquldady jáne «Shetsiz qala» baǵdarlamasy aıasynda aýdandy odan ári damytýdy jalǵastyrýdy tapsyrdy.