Almaty ákimi Erbolat Dosaev halyqaralyq áýejaıdyń ınvestorlarymen kezdesti

ALMATY. QazAqparat - Almaty ákimi TAV Airports Holding prezıdenti jáne Bas dırektory Mustafa Sanı Shenermen kezdesýinde jańa jolaýshylar termınalyn modernızatsııalaý jáne salý jónindegi toptyń ınvestıtsııalyq josparlaryn talqylandy, dep habarlaıdy QazAqparat tilshisi.

Erbolat Dosaev Almaty Halyqaralyq áýejaıy – qalanyń vızıt kartochkasy ekenin jáne ony halyqaralyq standarttarǵa sáıkestendirý megapolıs ekonomıkasyna mýltıplıkatıvti áser beretinin atap ótti.

Budan bólek, áýejaıdy jańǵyrtý megapolıstiń týrıstik áleýetin damytýdy kúsheıtedi, onyń ınvestıtsııalyq tartymdylyǵyn jáne Almaty turǵyndary men qonaqtary úshin yńǵaılylyq deńgeıin arttyrady.
Erbolat Dosaev qala bıliginiń jobany qoldaýǵa jáne nysandy belgilengen merzimde tapsyrý úshin problemalar men máselelerdi sheshýge yqpal etýge daıyn ekenin atap ótti.