Almaty ákimi birqatar nysannyń qurylys barysyn tekserdi
Megapolıs ákimi Baqytjan Saǵyntaev Instagram-daǵy paraqshasynda kóshelerdi uzartý, mektep jáne jol qurylysy, sýmen jabdyqtaý, sý jelilerin salý jumystarynyń barysy týraly jazdy.
«Kezekti jumys sapary kezinde ınfraqurylymdyq jobalardyń júzege asý barysymen tanystym. Medeý aýdanyna qarasty «Kólsaı» syndy yqshamýdandardyń turǵyndaryn tolyqqandy sýmen qamtamasyz etý úshin «Balqash» sý tazartý stansasyn tolyq rekonstrýktsııalaý múmkindigi qarastyrylady», - dedi B. Saǵyntaev.
Sondaı-aq Almaty ákimi Naýryzbaı aýdanyndaǵy «Taýsamaly» yqshamaýdanyna qarasty Qonaev kóshesin keńeıtý boıynsha nysandardy aralady. Nurly kóshesi men Abaı dańǵylyn úńgileý barysymen, «Qalqaman-2» yqshamaýdanynda 1,5 myń oryndyq mekteptiń jáne Aqjardaǵy órt sóndirý deposynyń qurylysyn tekserdi.
«Tastybulaqtaǵy 15 kóshede sýmen jabdyqtaý jáne sý burý jelileri júrgizildi. Jýyrda jol jabynyn qalpyna keltirý bastalady. A sfaltbeton qospasynyń sapasyn z aýyttarda daıyndalý satysynda tekserýdi tapsyrdym. Aýdan ákimdigi ǵımaraty aldynda qala turǵyndarynyń demalysy úshin saıabaq salý sheshimi qabyldandy», - dedi ákim.
Baqytjan Saǵyntaev «Aqsaı-4» yqshamaýdanyndaǵy 825 oryndyq №132 gımnazııa janynda salynyp jatqan qosalqy nysannyń qurylysyn kórdi, sondaı-aq Áýezov aýdanynyń aýmaqtaryn abattandyrý jobalarymen tanysty. «Altyn besik» yqshamaýdanynda turǵyndardyń ótinishi boıynsha qoqys alańdary tazartyldy, onda balalar oıyn alańdary men sport alańdary salynady.
Budan bólek, megapolıs basshysy №2 kommýnaldyq parktiń óndiristik qýatymen jáne modernızatsııalaý josparlarymen tanysty. B. Saǵyntaev qarbalas shaqta qoǵamdyq kóliktiń ıntervalyn azaıtý boıynsha jolaýshylar tasymalyn uıymdastyrýdyń jańa ádisteriniń zerdelenetinin aıtty.