Almaty ákimi Aıan Ǵalıevtiń otbasyna páter kiltin tabys etti (FOTO)
«Bul - Elbasynyń tikeleı tapsyrmasy. Sondyqtan, Sizge Elbasynyń atynan osy kiltti tabystaımyn. Sizdiń ulyńyz - naǵyz batyr. Ol qanshama adamnyń ómirin aman alyp qaldy. Onyń artynda balalary qaldy. Biz olarǵa qoldan kelgen kómektiń barlyǵyn jasaımyz. Jańa páterge kóshýlerińiz úshin bir aı ishinde sol páterge barlyq qajetti jóndeý, jabdyqtaý jumystary júrgiziletin bolady. Bekem bolyńyzdar!», - dedi ákim.
Sonymen qatar, ákim bul jańa aýdanda jańa balabaqshalar, mektepter, emhanalar jáne Ýnıversıadadanyń jańa nysandary salynyp jatqandyǵyn aıtty.
«Bizdiń otbasymyzda qaıǵyly jaǵdaı oryn aldy. Prezıdentimiz jáne búkil Qazaqstan halqy bizge osyndaı aýyr jaǵdaıda qoldaý kórsetip jatyr. Barlyqtaryńyzǵa kóp-kóp rahmet! Elimizde tek tynyshtyq bolsyn, aspanymyz ashyq bolsyn. Kúıeýimnen aıyrylǵanym men úshin orny tolmas qaza. Biraq, men soǵan qaramastan barlyqtaryńyzǵa rızashylyǵymdy bildiremin. Elimiz aman bolsyn», - dedi Aıan Ǵalıevtiń áıeli Anar Asanova.
Ǵalıevtar otbasy memlekettik baǵdarlama boıynsha salynǵan jańa turǵyn úıge alǵashqylardyń biri bolyp ornalasady. Basqa turǵyndar sońyna qaraı, QR Konstıtýtsııa kúni qarsańynda qonystanady.
«Elbasyna jáne Qazaqstan halqyna kóp rahmet. Bizge barlyq adamdar qaıǵymyzǵa ortaqtasyp, bizge qoldaý kórsetip jatyr. Іnim Aıannyń úıindegi kelinime jańa páterdiń kilti tabys etildi. Óte jaqsy úı, barlyǵymyzǵa unady. Aıannyń balalarynyń osy úıde baqytty ómir súrýlerine, eliniń patrıottary bolatyndaryna tilektespin. Aıannyń da armany sol edi ǵoı!», - dedi Aıannyń aǵasy Saıan Ǵalıev.