Almaty ákimi arnaıy HQKO-ny «Avtodom» kesheninen aýystyrýdy tapsyrdy

ALMATY. QazAqparat - Almaty ákimi Baqytjan Akimat Live baǵdarlamasynyń efırinde qala turǵynynyń ótinishinen keıin Sátbaev kóshesi boıyndaǵy Saýda ortalyǵyna baryp, jaǵdaımen tanysty, dep habarlaıdy QazAqparat tilshisi.

Megapolıs ákimi Baqytjan Saǵyntaev Facebook-tegi paraqshasynda qala turǵynynyń Akimat Live baǵdarlamasyna habarlasyp, «Avtodom» saýda úıiniń mańynda ornalasqan arnaıy halyqqa qyzmet kórsetý ortalyǵy týraly aıtqanyn jáne jumys sapary kezinde sol jaǵdaımen tanysqanyn habarlady.

Munda sýpermarketter, avtosalon, basqa da saýda ortalyqtary, kópqabatty turǵyn úıler ornalasqandyqtan bul ýchaskeniń, ásirese, demalys kúnderi keptelisten kózi ashylmaıtyny shyndyq.

«Osyǵan baılanysty kólikterdi rásimdeý boıynsha qyzmetterdi Alataý aýdanynyń mamandandyrylǵan HQKO-syna qaıtarýdy tapsyrdym. Ol jerde kelýshiler úshin de, avtokólikter úshin de jetkilikti oryn bar», - dep jazdy Baqytjan Saǵyntaev.

Budan ózge, Almaty ákimi jaqyn mańdaǵy turǵyn úı kesheni turǵyndarynyń ótinishi boıynsha Bostandyq aýdanynyń ákimi men qalalyq mobıldilik basqarmasynyń basshysyna qarqynmen salynyp jatqan ýchaskeniń jol júrý joldary men áleýmettik ınfraqurylymyn damytý josparyn usynýdy tapsyrdy.