Almaty ákimdiginiń birneshe basqarmasy ataýyn ózgertedi
«Uıymdarda eńbek zańnamasynyń saqtalýyna memlekettik baqylaýdy qamtamasyz etý, qyzmetkerlerdiń quqyqtary men bostandyqtaryn qorǵaý maqsatynda eńbek ınspektsııasyn bólip, áleýmettik qorǵaý bólimin qaıta qurý usynylady. Sondaı-aq, fýnktsııalardy Qoǵamdyq damý basqarmasyna bere otyryp, Shyǵarmashylyq ındýstrııa basqarmasyn Jastar saıasaty máseleleri basqarmasy dep ataý kerek. Bul rette shyǵarmashylyq salalardy damytý fýnktsıonaly Kásipkerlik jáne ınvestıtsııalar basqarmasyna beriledi, - dedi Asat Nurpeıisov.
Sondaı-aq ol bıýdjettik josparlaý men ekonomıkany damytýdyń tıimdiligin arttyrý maqsatynda jobada strategııa men bıýdjet bólimin qarjy bólimi men sharýashylyq bólimine bólý arqyly qaıta qurý qarastyrylǵanyn qosty.
«Jobada energııa tıimdiligin arttyrý jáne ınfraqurylymdy damytý basqarmasyn - Energetıka jáne sýmen jabdyqtaý basqarmasy, turǵyn úı saıasaty bólimin - kommýnaldyq ınfraqurylymdy damytý basqarmasy, jasyl ekonomıka bólimin - ekologııa jáne qorshaǵan ortany qorǵaý departamenti, Jaıly ortany damytý basqarmasyn - Qurylys basqarmasy, Qoǵamdyq densaýlyq basqarmasyn - Qoǵamdyq densaýlyq saqtaý basqarmasy dep ózgertý kózdelgen», - dedi ol máslıhat sessııasynda.
Barlyq depýtat jobany qoldap daýys berdi.
Almaty qalasyn basqarýdyń jańa qurylymy jobasy maquldandy.
Ózgeristerdi 2022 jyldyń 1 mamyryna deıin engizý josparlanyp otyr.