Almaty ákimdigi talapty oryndamaǵan jolaýshylar tasymaldaıtyn kompanııamen kelisimshartty buzdy
2023 jyldyń 24 shildesinen bastap «Avtotransgaz» JShS qyzmet kórsetken segiz marshrýt tórt tasymaldaýshyǵa berildi.
Almaty ákimdigi jumys kúni marshrýttardyń toqtaýyn boldyrmaý úshin osy kompanııanyń jolaýshylar tasymaly salasyndaǵy qyzmetin merziminen buryn toqtatýyna baılanysty osyndaı jedel shara qoldanýǵa májbúr boldy.
«Avtotransgaz» kompanııasy qalalyq jolaýshylar tasymaly naryǵyndaǵy qyzmetin bıyl 24 shildeden bastap toqtatty. Bul sot talqylaýy qala ákimdiginiń paıdasyna sheshilgen soń oryndaldy.
Buryn habarlanǵandaı, mindettemelerin oryndamaýyna baılanysty osy uıymǵa talap qoıylǵan. Kompanııanyń barlyq marshrýtynda tolyq qyzmet kórsetilmeı, tasymaldaý sapasyna teris áser etti. Jolaýshylar tarapynan avtobýstardyń jaı-kúıine, júris aralyǵyna jáne tehnıkalyq sebeppen qozǵalysqa shyqpaýyna qatysty qısyndy syn aıtyldy. Bul rette, ákimdiktiń sýbsıdııa tóleý jónindegi barlyq mindettemesi tolyq kólemde oryndaldy.
Almaty qalalyq mobıldilik basqarmasy qoldanystaǵy tasymaldaýshylar arasynda baǵyttardy ýaqytsha bólý boıynsha jedel sharalar qabyldady. Sonyń nátıjesinde segiz baǵyt qalanyń tórt tasymaldaýshysyna berildi. Qajet bolǵan jaǵdaıda jyljymaly birlikter kezeń-kezeńimen kóbeıtiledi.
Máselen, №112 marshrýtta «Almatyelektrotrans» JShS 5 avtobýstyń ornyna 10 avtobýs shyǵarady. Sonymen qatar kommýnaldyq avtoparkke №126, 16 jáne №3 marshrýttar berildi, onda jelide tıisinshe 8, 9 jáne 2 avtobýs júredi.
«DýmanTranskom» kompanııasyna №29r (2 avtobýs) jáne №47 (12 avtobýstyń ornyna 16 avtobýs) baǵyttary berildi.
№29 marshrýt «Ekobas» jeke tasymaldaýshysyna berildi, ol jelige 12 avtobýs shyǵarady.
№85 marshrýtta endi «AvtoAlmatrans» JShS qyzmet kórsetedi, ol 10 avtobýsty iske qosty.
Endi Almatyda 24 kompanııa jolaýshylar tasymalymen aınalysady.
Aıta keteıik, bıyl 600 gazben júretin avtobýs satyp alý josparlanǵan, onyń 100-i qujattardy rásimdeýden ótip jatyr jáne jaqyn arada paıdalanýǵa beriledi. Qalǵan avtobýstardy jetkizý bıyl jyl sońyna deıin kózdelgen. Jańa avtobýstardyń kelýine qaraı qalanyń qoldanystaǵy jáne eń kóp júretin baǵyttaryn jańartý jáne avtobýs sanyn kóbeıtý josparǵa engen.
Buǵan deıin Erbolat Dosaev Almaty ákimdigi jolaýshylar tasymaldaıtyn úsh kompanııamen sottasyp jatqany týraly aıtqan edi