Almaty ákimdigi logotıpke jarııalanǵan tenderden bas tartty

ALMATY. QazAqparat – Almaty qalalyq týrızm basqarmasy «Almaty qalasynyń logotıpin satyp alý» týraly tenderinen bas tartty, dep habarlaıdy QazAqparat tilshisi.

Basqarmanyń habarlaýynsha, bul mámilege ázirge qajettilik az.

«Týrızm - Covid-19 ınfektsııasynan qatty japa shekken salalarǵa jatady. Soǵan qaramastan basqarma qazir indetpen kúresip jatqan medıtsına qyzmetkerleriniń turmysyn retteýdi qolǵa alǵan. Atap aıtqanda, olardy qonaq úıge ornalastyrý, keıbir qonaq úılerdi ınfektsııalyq statsıonarǵa aınaldyrý jumystary jedel sheshimdi talap etedi», - dedi basqarmadan.

Karantın bastalǵaly beri Almaty qalalyq týrızm basqarmasy 2000 medıtsına qyzmetkerin qalanyń 25 qonaq úıine jaıǵastyrǵan bolatyn.

Bul jergilikti qonaq úı bıznesine mýltıplıkatıvti tıimdilik kórsetti.