Almaty ákimdigi «koronavırýs ınfektsııasyn aýaǵa shashyp jatyr» degen vıdeoǵa qatysty túsinik berdi

ALMATY. QazAqparat – Almatyda túngi ýaqytta jasyl jelekterge bıologııalyq óńdeý jumystary júrgizilýde. Bul týraly qalalyq ákimdik málim etti, dep habarlaıdy QazAqparat tilshisi.

Áleýmettik jelide «Almatyda arnaıy kólikpen koronavırýs shashyp jatyr» degen vıdeo tarady.

Almaty ákimdiginiń málimetinshe, bul aqparat shyndyqqa janaspaıdy. Segiz aýdan aýmaǵynda qalanyń jasyl qoryn saqtaý jáne abattandyrý maqsatynda mamandandyrylǵan uıymdar japyraq jeıtin jáne soratyn zııankesterden jasyl alqaptardy bıologııalyq óńdeý jumystaryn júrgizýde.

Óndeý qoldanýǵa ruqsat etilgen qaýiptiligi tómen klasty (R-4) bıologııalyq jáne keıbir jaǵdaılarda hımııalyq preparattarmen júrgiziledi.

«Oǵan mıkrobıologııalyq preparat «Bıtoksıbatsıllın», «Aktarofıt» paıdalanyldy. Bul preparattyń ereksheligi «tiri» kompozıtsııa bolyp tabylady, onyń quramynda toksınder joq, onyń belsendi zaty - aqýyz krıstaldary men mıkrobtyq daqyl (Bacillus thuringiensis var. Thuringiensis). Preparat adamdar, aralar, janýarlar, qustar men balyqtar úshin qaýipsiz»,- dep habarlady qalalyq ákimdikten.

Vıdeodan alynǵan kadr