Almaty ákimdigi ınvestıtsııalyq jobalarǵa 2 mlrd dollar jumyldyrady
Qujatta kórsetilgendeı, Investıtsııalardy tartý boıynsha ulttyq ınvestıtsııalyq strategııany tıimdi iske asyrý maqsatynda «Almaty» Áleýmettik-kásipkerlik korporatsııasynyń» jumysy jetildirilip, onyń janynan Almaty Invest tolyqformatty ınvestıtsııalyq blogy quryldy.
ÁKK aıasynda Almaty Invest ınvestıtsııalardy tartýdyń, qaladaǵy iri jáne orta ınvestıtsııalyq jobalardy damytýǵa qolaıly jaǵdaı týǵyzýdyń negizgi qozǵaýshy kúshi bolady. Almaty Invest-tiń basty mindeti - «bir tereze» qaǵıdaty negizinde bir ortalyqta barlyq qyzmetterge «ıdeıadan bastap iske asyrýǵa deıin» qoldaý kórsetedi. Іri jobalardy nazarǵa alady. Sondaı-aq, bıznesti iske asyrý úshin ınvestorlarǵa jaǵdaı jasaıdy.
Aldaǵy úsh jylda 50-den astam ınvestıtsııalyq jobany júzege asyrý úshin 2 mıllıard dollar ınvestıtsııa tartý josparlanýda. Bul qarjy kólik jáne logıstıka, ónerkásip, týrızm, jyljymaıtyn múlik, ınfraqurylym, qurylys, saýda, bilim berý jáne densaýlyq saqtaý salalaryna jumsalatyn bolady.
Áleýmettik saladaǵy jobalar memlekettik-jekeshelik áriptestik boıynsha júzege asyrylady. MJÁ aıasynda bes jylda quny 500 mıllıon AQSh dollarynan az bolmaıtyn 15-ten astam jobany iske qosý kózdelip otyr.