Almaty ákimdigi eki nysandy ýaqytyly tapsyrmaǵan merdigermen kelisimshartty buzdy
Másele «Kókmaısa» shaǵynaýdanyndaǵy Esentaı ózeniniń jaǵasyn jáne «Jeltoqsan» saıabaǵyn abattandyrý jobalary jóninde bolyp otyr.
Kelisim shart boıynsha Esentaı ózeni boıynda jumystar 2022 jyldyń 30 tamyzynda aıaqtalýy tıis edi. Alaıda merdiger – «Jasyl el Qyrylys» JShS nysandy tapsyrý merzimin birneshe ret ózgertken. Búginde jumystar 80 paıyzǵa oryndalǵan.
2022 jylǵy 21 qyrkúıekte Almaty qalasy Ekologııa jáne qorshaǵan orta basqarmasy sotqa talap aryz berýge bastamashylyq jasady. Onyń qorytyndysy boıynsha merdiger uıym («Jasyl el Qyrylys» JShS) memlekettik satyp alýdyń josyqsyz qatysýshysy bolyp tanyldy. Almaty qalalyq sotynyń 2023 jyldyń 23 aqpandaǵy qaýlysymen sheshim ózgerissiz qaldyryldy jáne zańdy kúshine engen. Osydan keıin merdiger uıymmen kelisimshart úzildi.
Sondaı-aq atalǵan kompanııa «Jeltoqsan» saıabaǵyn abattandyrý jumystaryn aıaqtaý merzimin buzǵany anyqtaldy.
«Esentaı ózeni boıynda aıaqsyz qalǵan jumystarǵa lokaldi smetalyq esep jasaldy, jetkizýshini anyqtaýǵa ashyq konkýrs jarııalandy. Konkýrstyq rásimderdiń aıaqtalý merzimi 2023 jylǵy 29 tamyz, qurylys-montaj jumystarynyń aıaqtalý merzimi 2023 jylǵy 30 qarashaǵa deıin.
»Jeltoqsan«saıabaǵynda búginge deıin syrtqy jaryqtandyrý kabeli men tirekterin, sýarý júıesiniń qubyrlaryn bólshekteý, kógaldandyrý, jabyndy tóseý, porebrık pen KSP-in ornatý, sport alańyn montajdaý jumystary júrgizilgen. Nysannyń qurylysyn ashyq konkýrs boıynsha anyqtalǵan»Intellekt KIPıA Servıs«JShS bıyl 30 qarashaǵa deıingi merzimde aıaqtaıdy», - dep habarlady Almaty ákimdiginen.