Almaty ákimdigi áýejaı mańynda aǵashtardyń «kesilýin» túsindirdi

ALMATY. QazAqparat – Almaty qalasynyń ákimdigi áýejaı mańynda aǵashtardyń kesilýine qatysty túsinik berdi, dep habarlaıdy QazAqparat.

Internette jumysshylar aǵashtardy jappaı aralap jatqany týraly vıdeo tarady.

«Áýejaı mańynda, Ahmetov kóshesinde jasyl jelek kesilýde», - delingen postta.

Qalalyq Jasyl ekonomıka basqarmasy máselege qatysty túsinik berdi.

«Atalǵan mekenjaı boıynsha Almaty qalasynyń Jasyl ekonomıka basqarmasy 2015 jyldyń 31 naýryzynda QR Investıtsııa jáne damý mınıstriniń buıryǵymen bekitilgen Qazaqstan Respýblıkasynyń azamattyq avıatsııasynyń aerodromdaryn (vertodromdardy) eksplýatatsııalaý jáne olardyń jaramdylyq normasynyń talaptaryna sáıkes, Almaty Halyqaralyq áýejaıy AQ-ǵa aǵashtardyń joǵarǵy bóligin retke keltirý boıynsha jumystarǵa kelisim berdi», - delingen vedomstvo aqparatynda.