Almaty ákimdigi Alǵys aıtý kúni merekesine oraı kópbalaly analardy quttyqtady

ALMATY. QazAqparat - Almatyda Alǵys kúni meıramynda kópbalaly analar marapattalyp, syılyq sertıfıkattary tabystaldy, dep habarlaıdy QazAqparat tilshisi.

Qala bıligi Alataý dástúrli óner teatry zalyna kópbalaly analardy shaqyryp qurmet kórsetti.

Barlyq analarǵa gúl berilip, 50 myń teńgeniń sertıfıkaty tabys etildi.

«Qurmetti analar Sizderge bas ıemiz. Sizder bizdiń bolashaǵymyzdy tárbıelep kelesizder. 2019 jyldy Memleket basshysy Jastar jyly dep jarııalady. Sizder el bolashaǵyna ólsheýsiz úles qosyp kelesizder. Sondyqtan Sizderge alǵysymyz sheksiz», - dedi QHA janyndaǵy analar keńesiniń tóraıymy.

Jıynǵa tórt, alty, jeti balaly analar shaqyryldy. Onyń ishinde 37 jastaǵy Asıa Qazıevaǵa erekshe qurmet kórsetildi. 10 balanyń anasy Asıa Shańyraqta turady. Tuńǵyshyn ol 21 jasynda týǵan. Sodan keıin jyl saıyn 8 ul, 2 qyz dúnıege kelgen. Eń kenjesi 1 jasta.

«Osyndaı mereke úshin rahmet. Tosynsyı boldy. Óte rızamyz. Balalarymnyń bári jaqsy oqyp ósip keledi. 14 jastaǵy ulym quzǵa órmeleýden chempıon, Qazaqstan quramasyna kiredi», - dedi Asıa Kazıeva.

Jas ana áli dekrettik demalysta. Buryn taksıdiń dıspetcheri bolyp jumys istegen.

Otbasyn jalǵyz otaǵasy asyrap keledi. Jubaılar týystarynyń úıinde turyp jatyr.

Qazaqstandyqtardy Alǵys kúnimen Almaty ákimdiginiń ókilderi men QHA ókilderi quttyqtady.