Almaty ákimdigi áleýmettik jelide radıkaldy uıymnyń yqpalynan saq bolýdy eskertti
Osy maqsatta qalalyq Qoǵamdyq damý basqarmasy avtomattandyrylǵan júıeni qoldana otyryp, destrýktıvti dinı ıdeologııany nasıhattaýy múmkin degen toptardy anyqtaý úshin ınternet keńistikke monıtorıng júrgizip keledi.
Dinı ekstremızm men terrorızmniń aldyn alý boıynsha keshendi is-sharalar josparyn júzege asyrý maqsatynda bıyl osy tektes toptarda bolǵan 5 myńnan astam adamǵa túsindirý jumystary júrgizildi.
Áńgime barysynda aıqyn bolǵandaı, olardyń kópshiligi osyndaı toptarda dinı radıkaldy ıdeologııa nasıhattalatynyn bilmegen.
Júrgizilgen túsindirý jumystarynyń arqasynda barlyq qoldanýshylar kúmándi toptardan shyǵyp ketti.
Qoǵamdyq damý basqarmasy dinı sıpattaǵy aqparatty izdegen adamdarǵa tek qana resmı tirkelgen dinı birlestikterge júginýdi usynady.
«Eger siz radıkaldy ıdeologııany úgitteý jáne taratý faktisine tap bolsańyz, bul jaǵdaı týraly Almaty qalasynyń qoǵamdyq damý basqarmasyna nemese qalalyq polıtsııa departamentine habarlaı alasyz», - dedi qalalyq Qoǵamdyq damý basqarmasynan.