«Almaty-2 – Mańǵystaý» jolaýshylar poıyzynyń lokomotıvi jáne 13 vagonyna zaqym keldi

AQTÓBE. QazAqparat - Aqtóbe oblysyndaǵy Shoqysý stansasynda júk poıyzyna tıelgen tıelgen kran qozǵalyp ketip, jebesimen «Almaty-2 – Mańǵystaý» jolaýshylar poıyzynyń 13 vagonyna zaqym keltirgen, dep habarlaıdy QazAqparat «Qazaqstan temir joly» ulttyq kompanııasynyń baspasóz qyzmetine silteme jasap.

«9 qyrkúıekte Aqtóbe bólimshesiniń Shoqysý stansasynda júk poıyzynyń 26-shy vagonyna tıelgen kran jebesiniń konstrýktsııasy qozǵalyp ketip, kórshi joldaǵy jolaýshylar poıyzynyń lokomıtıvi men vagondaryn syryp ótken. Atap aıtqanda №77 «Almaty-2 – Mańǵystaý« jolaýshylar poıyzy lokomotıviniń shanaǵy syrylyp, býferlik shamy búlinse, 13 vagonǵa túrli zııan keltirildi. Sonyń ishinde 2 vagonda terezeler synǵan, 2 vagonda tutqalar julynǵan», delingen habarlamada.

Oqys oqıǵadan eshkim zardap shekpegen. Jolaýshy poıyzy 17 mınýt kidiristen soń qaıta jolǵa shyqty. Qazir osy jaǵdaı boıynsha tergeý júrgizilip jatyr.