Almatynyń úsh shaǵynaýdanynda gaz qysymy tómendedi

<p>Almatynyń úsh shaǵynaýdanynda ornalasqan meıramhana, monsha men klýbtar gazdan ýaqytsha ajyratylady, dep habarlaıdy <a href="https://kaz.inform.kz/" target="_blank" rel="noopener">Kazinform.</a></p>

— Qarǵaly, Qaraǵaıly jáne Raıymbek shaǵynaýdandaryn gazben qamtýǵa qatysty qyzmet kórsetetin «Táýekel-T» JShS aýa raıynyń kúrt sýytýy men abonentterdiń gazdy kóp alýy sebebinen sońǵy núktelerdegi gaz qubyrlary jelilerinde gaz qysymynyń tómendegenin habarlaıdy. Qazirgi ýaqytta gaz taratý pýnktteri arqyly gazben qamtý júıesin qalpyna keltirý boıynsha qajetti keshendi is-sharalar jasalyp jatyr», - delinedi «Táýekel – T» JShS habarlamasynda.

Kompanııada sondaı-aq turǵyndarǵa gazdy úzdiksiz jáne apatsyz jetkizý, atap aıtqanda, bitelý oryndary bar gaz qubyrlarynyń qýysyn tazartý, sondaı-aq ShGTP-nyń qosymsha pýnktterin ornatý sharalary qabyldanǵanyn habarlady.

Gaz sharýashylyǵynyń apattyq-dıspetcherlik qyzmeti kúsheıtilgen jumys rejımine aýystyryldy.

— Qazirgi ýaqytta ýaqytsha is-shara retinde kásipkerlik nysandaryn (monsha keshenderi, meıramhanalar, bılıard klýbtary jáne t.b.) qysqa merzimdi sóndirý jáne áleýmettik nysandar men turǵyn úı-jaılardy gazben qamtamasyz etýdi basymdyqpen júzege asyrý jumystary júrip jatyr, - dep tolyqtyrdy kompanııada.

«Táýekel-T» JShS-nyń anyqtama men apattyq ótinimderine arnalǵan telefon nómirleri: 308 11 04 (Kemertoǵan), 304-73-23 (Bulaqty), 297 07 47 (Taýsamaly).