Almatynyń úsh aýdanynda sýyq sý bolmaıdy

<p>ALMATY. KAZINFORM — Almaty qalasynyń Bostandyq, Almaly, Áýezov aýdanyna qarasty birqatar turǵyn úıler men ózge de ǵımarattarǵa sýyq sý berý toqtatylady. Bul týraly «Almaty sý» memlekettik kommýnaldyq kásiporny málim etti.</p>

«Almaty Sý» habarlaǵandaı, 29 mamyr saǵat 08:00–den 20:00–ge deıin qalada tehnologııalyq jabdyqty aýystyrý boıynsha sýmen jabdyqtaý jelilerinde josparly profılaktıkalyq jumystar júrgiziledi. 

Osyǵan baılanysty myna mekenjaıda sýyq sý berý ýaqytsha shekteledi: 

Bostandyq aýdany — Abaı dańǵyly-Manas-Tımırıazev-Jandosov-Úlken Almaty ózeni- Tımırıazev-Jarokov-Ótepov-Gagarın dańǵyly, «Atakent» kórme kesheniniń aýmaǵy;

Almaly aýdany — Abaı dańǵyly-Áýezov-Jambyl-Manas kóshelerindegi alańdarda; Abaı-Áýezov-Tóle bı-Rozybakıev; Abaı-Rozybakıev-Qulymbetov-Turǵyt Ozal sharshy kóshelerinde; 

Áýezov aýdany — Abaı dańǵyly-Şepetkov-Úlken Almaty ózeni-Sátbaev-Ótegen batyr 112a, 114 turǵyn úıler. 

«Bekitkish armatýrany jáne ózge de tehnologııalyq jabdyqty aýystyrý jónindegi jumystardy ýaqtyly oryndaý atalǵan ýchaskelerdiń tutynýshylaryn sapaly ári turaqty sýmen qamtamasyz etýge múmkindik beredi» delingen habarlamada.

Sondaı-aq profılaktıkalyq jumystar kezinde sý áleýmettik nysandarǵa avtotsısternalarmen jetkiziledi.