Almatynyń «Terrenkýr» toǵanynda 50 metrlik syrǵanaq salynady

<p>Almatyda halyqtyń ıgiligi úshin &laquo;Terrenkýr&raquo; demalys aımaǵynyń toǵanynda qysqy tıýbıngterge arnalǵan 50 metrlik syrǵanaq salynyp jatyr, dep habarlaıdy <a href="Kazinform." target="_blank" rel="noopener">Kazinform.</a></p>

Almaty ákimdiginiń málimetinshe, «Snejnaıa slaıd» áleýmettik jobasy jeke qarajat esebinen júzege asady. 

«Bul úshin kúzgi mezgilde toǵannan sý soryldy. Qysqy maýsym bitken soń qurylym bólshekteledi. Basty ereksheligi –  syrǵanaq toǵanda salynǵandyqtan munda shuǵyl burylys tárizdi qaýip joq. Qurylym 20 gradýs buryshta ornatylyp, 5 arnaǵa bólingen, árqaısysy arnaıy tormen qorshalǵan. Sonymen qatar márede tejegish tor jáne arnaıy jumsaq qaptar bar», - dep habarlady ákimdiktiń baspasóz qyzmeti.

Foto: Almaty qalasynyń ákimdigi

Syrǵanap bolǵan soń demalýshylar úrlemeli ballondardy dóń basyna ózderi ákelmeıdi, ol úshin arnaıy fýnıkýler bar. Bul rette syrǵanaqqa kelýshiler qaýipsizdik tehnıkasy boıynsha oqýdan ótken nusqaýshylardyń baqylaýynda bolady. Sondaı-aq keshen aýmaǵyndaǵy terrassada qoǵamdyq tamaqtaný oryndary bar demalys aımaǵy uıymdastyrylady.

«Ashylýy 15 qańtarǵa josparlanǵan. Ballondy bir saǵatqa jalǵa alý –  3 myń teńge. Bir ret syrǵanaý – 500 teńge. Jumys kestesi týraly qosymsha habarlanady», - dep habarlady ákimdiktiń baspasóz qyzmeti.