Almatynyń taý bókterindegi aýyz sý máselesi qashan sheshiledi
Onyń aıtýynsha, 2024 jyldyń 3 toqsanynda Taýly qyrat, Alataý jáne ıÝbıleınyı shaǵyn aýdandarynda 51,7 shaqyrym taratý jelileri salynady.
«Byltyr jazda, aptap ystyqqa baılanysty aýdannyń joǵary bóligin sýmen qamtamasyz etýde qıyndyqtar týyndady. 2023 jyldyń shilde aıynda sýdyń laılanýy normadan 50 ese asyp, sý tapshylyǵy táýligine 20 myń tekshe metr boldy. Tapshylyqty joıý úshin tótenshe jaǵdaılar aıasynda qýaty táýligine 32 myń tekshe metr rezervtik sýmen qamtý shemasynyń qurylysy bastaldy, ol 2024 jyldyń maýsym aıynda aıaqtalady. Sýdyń negizgi kózderi - Talǵar jerasty sýlary men sorǵy stantsııalarynyń qýatyn 60%-ke arttyra otyryp, 6 jańa skvajına burǵylaý bolyp tabylady», - dedi Erbolat Dosaev.
Buǵan qosa, qala basshysy «Dýman» shaǵyn aýdanynda halyq sanynyń kóbeıýine baılanysty, jumys istep turǵan rezervýarlardyń ótkizý qabileti aýyz sý qajettiligin ótemeıtinin jetkizdi. Jazǵy ýaqytta táýligine 2,2 myń tekshe metr tutyný tapshylyǵy baıqalady.
«Osy máseleni sheshý úshin bıyl 2 sý rezervýaryn, magıstraldy sý qubyryn jáne 2 sorǵy stantsııasyn rekonstrýktsııalaýdy bastaımyz», - dedi Erbolat Dosaev.
Aıta keteıik, Kamensk ústirti, Kólsaı, Muztaý jáne ıÝbıleınyı shaǵyn aýdanynyń turǵyndaryn sýmen turaqty qamtamasyz etý úshin tótenshe jaǵdaılar jelisi boıynsha 7,3 myń tekshe metr sýǵa arnalǵan 7 rezervýar salyndy. Sondaı-aq kúnine 15,7 tekshe metr sý ótkizetin 6 skvajına jańartyldy. Osy jyldyń naýryz aıynda nysandardy tolyqqandy iske qosý-retteý jumystary júrgiziledi.
«Medeý aýdanynyń ákimdigi 2023 jyldan bastap 276,5 km sýmen qamtý jáne káriz taratý jelilerin salý jumystaryn bastady. 2023 jyly Halıýllın kóshesi men Kamenskoe ústirti shaǵyn aýdanynda 13,4 km qurylys aıaqtaldy. 2024 jyly Keńsaı, Kólsaı, Kompot, jáne Dýman shaǵyn aýdandarynda 65,7 km jeliniń qurylysy aıaqtalady», - dep sózin túıindedi Almaty ákimi.