Almatynyń Saıran kóline aqqutan men úırek mekendeı bastady

<p>ALMATY. KAZINFORM &ndash; Qazaqstandyq fotograf Dmıtrıı Dotsenko Saıran kóline qonǵan aqqutan men jabaıy úırekterdiń sýretterin jarııalady.</p>

Saıran kóli qala turǵyndarynyń súıikti ornyna aınaldy. Almatylyqtar kólge aqqutan men úırekterdi tamashalaýǵa keledi.

Fotograf Dmıtrıı Dotsenko balyq tistep turǵan aqqutandy sýretke túsirip aldy.

Foto: Dmıtrıı Dotsenko

«Bul bizdiń Alataýdyń endemık balyǵy. Sondyqtan mende óte qundy sýret túsirdim. Oılap qarańyzshy, 2024 jyly eki mıllıon turǵyny bar megapolıstiń qaq ortasynda endemık naǵyz jabaıy tabıǵatty kóre alasyz. Bul ǵajap nárse, ony qorǵaý kerek», - dep jazdy almatylyq fotograf óziniń Instagram paraqshasynda.

Foto: Dmıtrıı Dotsenko

Esterińizge sala keteıik, 1971 jyldan beri Almatyda alǵash ret Almaty ákimi Erbolat Dosaevtyń tapsyrmasymen Saıran kóli tazartyldy. Kóldiń túbinen jáne jaǵasynan 140 myń tekshe metrden astam qoqys pen laı shyǵaryldy.

Aıta keteıik, bıyl Almaty ákimdigi Áýejaı kóli men Qarasý kólin tazartýdy josparlap otyr.