Almatynyń oıyn-saýyq ortalyqtarynyń birinde órt boldy

<p>ASTANA. KAZINFORM — Almatynyń Áýezov aýdanyndaǵy «Moskva» oıyn-saýyq ortalyǵy órtendi, dep habarlaıdy TJM.</p>

Vedomstvonyń málimetinshe, Áýezov aýdanynda ornalasqan oıyn-saýyq ortalyǵynyń shatyrynda aýa tartqysh qubyrynda maı qaldyqtary janyp keıinnen ot shatyrdyń qaptamasyna taraǵan. Oqıǵa ornyna der kezinde kelgen Almatynyń órt sóndirýshileri qyzyl jalyndy oqshaýlady. 

— 10 sh. m. alańdy sharpyǵan órt sóndirildi. Aýa tartqysh qubyrynda maı qaldyqtary janyp keıinnen ot shatyrdyń qaptamasyna taraǵan. Zardap shekkender joq. Órttiń sebebi anyqtalýda. Órtti sóndirýge jeke quramnan 75 adam jáne 24 birlik tehnıka jumyldyryldy, — delingen mınıstrlik habarlamasynda. 

Eske salsaq, osyǵan deıin Aqtóbede órtengen transformator ishinen adam denesi tabylǵanyn jazdyq.