Almatynyń onkologtary 94 jastaǵy naýqastyń asqazanyna ota jasady

<p>ALMATY. KAZINFORM &ndash; Almaty onkologııalyq ortalyǵyna asqazan qaterli isigi dıagnozy qoıylǵan 94 jastaǵy keıýana tústi.</p>

Ortalyq mamandary táýekelderge qaramastan, jasy kelgen naýqasa operatsııa jasaý týraly sheshim qabyldady.

Foto: Almaty qalalyq densaýlyq saqtaý basqarmasy

«Kóbisi naýqastyń jasy men jaǵdaıyn eskere otyryp, ota jasaýdan bas tartty. Biraq barlyq qajetti tekserýdi júrgizgennen keıin onyń jaǵdaıy ECOG shkalasy boıynsha 1-2 ballǵa baǵalandy. Bul onyń belsendiligin azdy-kópti saqtap qalǵanyn kórsetti. Sondyqtan biz naýqasqa ota jasaý arqyly jalǵyz múmkindigin paıdalanýdy uıǵardyq. Rezektsııa operatsııasy jasaldy, onyń barysynda asqazannyń 3/4 bóligi alyndy. Operatsııa sátti ótti. Júz jasqa deıin ómir súredi dep senemin», – deıdi bólim basshysy Nurlan Baltaev.

Asqazannyń qaterli isigi Qazaqstanda keń taraǵan onkologııalyq patologııalardyń biri. Alaıda, Almaty onkologııalyq ortalyǵynyń dárigerleri tipti egde jastaǵy naýqastarǵa da, eger olardyń fızıkalyq belsendiligi jetkilikti bolsa, operatsııanyń sátti júrgizilýi múmkin ekenin dáleldedi.

«Biz árqashan patsıentterge, tipti eń qıyn jaǵdaılarda da kómektesý joldaryn izdeımiz. Jetistikke jetý múmkindigi bolsa, jas kedergi emes», - dep atap ótti Nurlan Baltaev.

Osyǵan deıin ortasha ómir súrý uzaqtyǵy Táýelsizdik jyldarynda alǵash ret 75 jastan asqany týraly jazǵan edik. 

Buǵan deıin habarlaǵandaı, Densaýlyq saqtaý mınıstrligi «Analar saýlyǵy» baǵdarlamasyn ázirledi.