Almatynyń Naýryzbaı aýdanynda 3 626 oqýshyǵa oryn tapshy

<p>ALMATY. KAZINFORM &ndash; Osy jyldyń sońyna deıin Almatynyń Naýryzbaı aýdanynda 5 jańa mektep salynady. Bul týraly Almaty ákimi Erbolat Dosaev turǵyndarmen kezdesý barysynda málimdedi.&nbsp;</p>

Aıtýynsha, jańa oqý jylynda 1 200 oqýshyǵa arnalǵan bir mektep ashylady. Bilim mekemesi «Alem Sıtı» turǵyn úı kesheni janynda ornalasqan. Ol «jaıly mektep» ulttyq jobasy aıasynda júzege asyryldy.

«Jalpy syıymdylyǵy 6 700 oryndyq qalǵan tórt mektep osy jyldyń sońyna deıin salynady. 2025 jyldyń aqpan aıynda «Shuǵyla» shaǵyn aýdanyndaǵy №174 mektepke qosymsha qurylysty aıaqtaý josparda», - dedi Erbolat Dosaev. 

Sonymen qatar «Mektep avtobýsy» jobasy aıasynda byltyr Naýryzbaı aýdanynyń 2800 oqýshysyn 7 mektep tasymaldaý úshin 33 avtobýs bólindi. Jańa oqý jylynyń basynan bastap 3 200 oqýshy qamtylmaq. Avtobýstar sanyn 42 birlikke deıin ulǵaıtý kózdelgen.

Naýryzbaı aýdanynda barlyǵy 29 mektep bar, onda 29 858 bala oqıdy. Qazir 3 626 oqýshy orny tapshy. 

«Aýdannyń mektepke deıingi mekemelerinde oryn tapshylyǵyn tómendetý máseleleri de sheshilip jatyr. Atap aıtqanda, 2024 jyldyń qyrkúıeginde «Shuǵyla» shaǵyn aýdanynda 320 oryndyq balabaqsha paıdalanýǵa beriledi. Osy jyldyń sońyna deıin Quramys jáne Shuǵyla shaǵyn aýdandarynda jalpy syıymdylyǵy 640 oryndyq taǵy eki jańa balabaqshanyń qurylysy aıaqtalady», - dep atap ótti ákim.

Aýdanda 7 296 búldirshindi qamtıtyn 139 balabaqsha jumys isteıdi.