Almatynyń metro beketterinde kitap avtomattary ornatylady

<p>ALMATY. KAZINFORM - Almatyda turǵyndar úshin kitap qoljetimdiligin arttyrý boıynsha jumystar júrgiziledi. Bul týraly qalalyq máslıhattyń kezekten tys HHV sessııasynda Mádenıet basqarmasynyń basshysy Ǵanı Maılybaev aıtty.</p>

Máslıhat depýtattary kelesi jyldyń bıýdjetinde Almaty kitaphanalary júıesi úshin bólingen 82 mıllıon qaıda jumsalatynyn surady. Aıtylǵan saýalǵa Mádenıet basqarmasynyń basshysy Ǵanı Maılybaev jaýap berdi.

- Memleket basshysy osy jyly quryltaıda sóılegen sózinde kitaphanalar júıesine úlken mán berdi. Almaty qalasynda bul baǵytta 99% kitaphanalar modernızatsııadan ótti. Kelesi 100%-ǵa jetkizý josparymyzda bar. Erekshe aıtatyn dúnıe - jyl sońyna deıin 20 avtomattandyrylǵan kitaphanalar apparaty metropolıten stanıtsııalarynda jáne oıyn-saýyq ortalyqtarynda ornatylady. Bul kitaptardy esepke alý jáne onyń kitaphanaǵa jetýin, kitaphanadan shyǵýyn qadaǵalaıtyn júıe. Biz bul jumysty byltyr bastaǵanbyz, sony qazir jalǵastyryp jatyrmyz. Sizder qoldaǵan jaǵdaıda 290 myń kitapty osy apparattarǵa engizip, almatylyqtar úshin kitaphana júıesiniń qyzmetin qoljetimdiligin arttyramyz, - dedi basqarma basshysy.

Eske salaıyq, buǵan deıin Almaty kitaphanalaryna Braıl dıspleıleri ornatylǵanyn jazǵanbyz.