Almatynyń Medeý aýdanyndaǵy kóshe qıylystarynyń birinde qozǵalys shekteledi

<p>ALMATY. KAZINFORM - 2024 jyldyń 18 qyrkúıeginde saǵat 7:00 bastap 19 qyrkúıektiń saǵat 7:00-ge deıin Almaty qalasynyń Medeý aýdanynda Qurmanǵazy kóshesi men Dostyq dańǵylynyń qıylysynda avtokólikter úshin qozǵalys jabylady.&nbsp;</p>

Atalǵan qıylys boıynsha qozǵalys eki jaqqa qaraı toqtaıdy. Ýaqytsha shekteýler qubyrlardy aýystyrǵannan keıin joldyń asfalt-betonyn qalpyna keltirý úshin engiziledi. Jańǵyrtylǵan qubyrjol 5 kóppáterli turǵyn úıdi jáne taǵy 4 obektini jylýmen jáne ystyq sýmen qamtamasyz etedi.

- Ýaqytsha qolaısyzdyqtarǵa túsinistikpen qaraýdy jáne kórsetilgen aýmaqty aınalyp ótý joldaryn aldyn ala qarastyrýdy suraımyz, - dep habarlady «Almaty jylý júıesi» JShS.

Eske salaıyq, buǵan deıin Almatynyń keıbir kósheleri qazan aıynyń basyna deıin jabylatynyn jazǵanbyz.

Sondaı-aq Almaty áýejaıynyń ekinshi qabatyna avtokólikterdiń kirýine ýaqytsha tyıym salyndy.