Almatynyń LED-ekrandary men Kóktóbe telemunarasynda kók týymyz jarqyrap tur

<p>ALMATY. KAZINFORM - Almatyda Táýelsizdik kúnine arnalǵan merekelik bezendirýler uıymdastyryldy.</p>

Qazaqstan Respýblıkasynyń Táýelsizdik kúnine oraı qalanyń LED-ekrandary men áıgili Kóktóbe telemunarasynda elimizdiń kók týy jarqyrap tur. 

- Barsha almatylyqtardy merekemen quttyqtaımyz. Sizderge baqyt pen órkendeý tileımiz. Táýelsizdik kúni qutty bolsyn, Qazaqstan! - dep habarlady Almaty ákimdiginen.

Eske salaıyq, buǵan deıin Almatyda Táýelsizdik kúni qandaı is-sharalar ótetinin jazǵanbyz.

16 jeltoqsan Respýblıka alańynda Táýelsizdik monýmentine, 17 jeltoqsan kúni «Táýelsizdik tańy» eskertkishine gúl shoqtary qoıylady. Sondaı-aq, merekelik is-sharalar qalanyń barlyq aýdanynda ótedi.

Buǵan deıin Táýelsizdik kúnine oraı Almatyda otshashý bolmaıtynyn jazǵan edik.