Almatynyń kommýnaldyq qyzmeti kúsheıtilgen rejımge kóshti

<p>ALMATY. KAZINFORM &ndash; Kúnniń sýytýyna baılanysty Almatynyń kommýnaldyq qyzmeti kúsheıtilgen jumys rejımine kóshti.</p>

Qazgıdromettiń boljaýynsha, erteń, 17 qazanda qar jaýady. Kún raıynyń sýytýyna baılanysty aýa temperatýrasy tómendep, kóktaıǵaq bolýy múmkin.

«Kommýnaldyq qyzmetter kóktaıǵaqqa qarsy jumystardy jedel júrgizýge daıyn. Bul jumysqa 10 merdiger uıym, 841 tehnıka jáne 1405 jumysshysy jumyldyryldy. Kóktaıǵaqqa qarsy 76 tonna materıal daıyndaldy»,- dep habarlady Kommýnaldyq ınfraqurylymdy damytý basqarmasynan.

Basqarma kóktaıǵaq qaýpine baılanysty, kólik ıelerin jazǵy dóńgelekterin qysqyǵa aýystyrýǵa shaqyrdy.

Foto: Almaty ákimdigi

«Jolda kóktaıǵaq bolýy múmkin,sondyqtan júrgizýshiler jyldamdyqty azaıtyp, kólik araqashyqtyǵyn saqtaǵandary abzal. Jaıaý júrginshiler de trotýarlarda juqa muzdyń paıda bolý qaýpine baılanysty abaı bolýy qajet»,- dep eskertti mamandar.

Osyǵan deıin «Qazgıdromet» RMK Qazaqstan qalalaryndaǵy aýa sapasyna boljamyn jarııalaǵan bolatyn.