Almatynyń qoǵamdyq damý basqarmasyna jańa basshy taǵaıyndaldy

<p>Almaty qalasy ákimi Erbolat Dosaevtyń ókimimen Qoǵamdyq damý basqarmasynyń basshysy laýazymyna Aıdar Esenbekov taǵaıyndaldy, dep habarlaıdy Kazinform.</p>

Aıdar Esenbekov 1979 jyly 8 tamyzda týǵan. Ál- Farabı atyndaǵy Qazaq memlekettik ýnıversıtetin bitirgen, áleýmettaný magıstri.

Eńbek jolyn 2003 jyly M. Áýezov atyndaǵy Ońtústik Qazaqstan memlekettik ýnıversıtetinde oqytýshy bolyp bastaǵan. 2004-2006 jyldary-Ál- Farabı atyndaǵy QazUÝ oqytýshysy boldy.
2006 jyldan bastap memlekettik organdar qurylymynda jumys isteıdi. 2006 jyly Almaty qalasy Іshki saıasat basqarmasynyń Jetisý aýdany boıynsha aýmaqtyq bóliminiń bas mamany, Áýezov aýdany boıynsha ishki saıasat basqarmasynyń bólim bastyǵy qyzmetin atqardy.

2010-2012 jyldary etnosaralyq qatynastar jáne saıası partııalarmen jumys, úkimettik emes uıymdarmen jáne dinı birlestiktermen jumys jónindegi bólimdi basqardy.

2012-2016 jyldary-Almaty qalasy Іshki saıasat basqarmasy basshysynyń orynbasary. 2016-2019 jyldary - Almaty qalasy Din isteri basqarmasynyń basshysy.

2019 jyldan bastap búginge deıin Almaty qalasy Qoǵamdyq damý basqarmasy basshysynyń orynbasary qyzmetin atqardy.