Almatynyń qaı ózen-kólderinde shomylýǵa bolady
Almaty qalasy tótenshe jaǵdaılar departamenti azamattyq qorǵanys basqarmasynyń bastyǵy Ánýar ıÝsýpovtyń aıtýynsha, qala ishinde 44 sý aıdyny bar. Onyń toǵyzy shomylý maýsymy kezinde halyq úshin qaýipti.
Megapolıste shomylýǵa ruqsat etilgen 4 oryn belgilendi. Olar: D.Qonaev atyndaǵy Úlken Almaty kanaly – Baým toǵaıy, D.Qonaev atyndaǵy Úlken Almaty kanaly – Gúlder demalys aımaǵy, Saıran kóli – batys bóligi, Saıran kóli – shyǵys baǵyttaǵy bóligi.
«Alaıda Saıran kólinde irgeles aýmaqty abattandyrý jumysy júrgizilip jatyr. Jumystardy aıaqtaý 2025 jyldyń mamyr aıyna josparlanǵan. D.Qonaev atyndaǵy Úlken Almaty kanalyn gıdrotehnıkalyq qurylystarmen kúrdeli jóndeýge baılanysty osy jyly kanaldy sýmen toltyrý jospary joq», - dedi Ánýar ıÝsýpov.
ÓKQ spıkeri atap ótkendeı, jazǵy demalys kezeńinde qaýipsizdik mádenıetin arttyrý maqsatynda bilim basqarmasymen birlesip qala mektepteri arasynda «Qaýipsiz sý» qaýipsizdik aktsııasy ótti. Oǵan sáıkes barlyq oqýshylar arasynda esse, sýret, qabyrǵa gazetteri konkýrstary, taqyryptyq syzǵyshtar, sondaı-aq «Qaýipsiz sý» taqyrybynda synyp saǵattary uıymdastyryldy.
Sýdaǵy jazataıym oqıǵalardyń aldyn alý maqsatynda departament polıtsııa qyzmetkerlerin, RJQJ qutqarýshylaryn, sondaı-aq eriktilerdi tarta otyryp, reıdtik is-sharalar ótkizedi.
Qazirgi ýaqytta departament BAQ arqyly úgit-nasıhat jumystaryn júrgizip jatyr. Barlyq bilim berý, densaýlyq saqtaý obektilerinde, adamdar kóp jınalatyn oryndarda (SOO, SÚ, HQKO, vokzaldar, metropolıten, kınoteatrlar), sondaı-aq Almaty qalasynyń joldary boıynda ornalasqan smartbordtar men LED-ekrandarda beınerolıkter kórsetilip jatyr.
«Sonymen qatar shomylý maýsymy aıaqtalǵanǵa deıin kúnine eki ret memlekettik jáne orys tilderinde «AspanFM», «Eýropa Plıýs Qazaqstan» jáne «Narodnoe radıo» radıoarnalarynda «Sýdaǵy qaýipsizdik erejeleri» taqyrybynda aýdıojazbalar taratylady. «Almaty tv» arnasynda kún saıyn «Sýdaǵy qaýipsizdik erejeleri» taqyrybynda beınerolık júredi», - dedi spıker.
Jazataıym oqıǵalardy boldyrmaý úshin qarapaıym erejelerdi saqtaý qajet:
- balalardy sýdyń janynda qaraýsyz qaldyrmaý;
- tek jabdyqtalǵan jaǵajaılarda jáne resmı ruqsaty men qutqarý qyzmeti bar shomylýǵa arnalǵan basqa jerlerde shomylý;
- júze almaıtyn bolsańyz, belden joǵary keletin sýǵa túspeý;
- shomylý kezinde bir-birin kózden tasa qylmaý;
- qalqymalar men qorshaý belgilerinen, jaǵadan alys júzbeý;
- qaıyqtardan, kópirlerden jáne aılaqtardan sýǵa sekirmeý;
- túnde shomylýǵa bolmaıdy.
Almaty TJD qala turǵyndary men qonaqtaryna sý aıdyndarynda qaýipsizdik erejelerin saqtaýdy, sondaı-aq tyıym salynǵan jerlerde shomylmaýdy suraıdy.