Almatynyń ekinshi jylý elektr ortalyǵy 2026 jyly gazǵa kóshiriledi

<p>Almaty qalasyndaǵy №2 jylý elektr ortalyǵy 2026 jyly gazǵa kóshiriledi, dep habarlaıdy <a href="https://kaz.inform.kz/" target="_blank" rel="noopener">Kazinform</a> Energetıka mınıstrligine silteme jasap.&nbsp;</p>

Energetıka mınıstri Almasadam Sátqalıev jumys saparymen Almaty qalasyna keldi.

Sapar barysynda «Almaty elektr stantsııalary» AQ №2 JEO jáne «Almatyjylýjaıenergo» JShS Orbıta qazandyǵynyń jumysymen tanysty.

№2 jylý elektr ortalyǵynda mınıstr ákimdik, «Samuryq-Energo» AQ ókilderiniń qatysýymen jylytý kezeńi jónindegi úılestirý shtabynyń keńesin ótkizdi.

JEO ókilderi EPC gazǵa aýystyratyn merdiger anyqtalǵanyn, jumys bastalǵanyn habarlady.

Foto: Energetıka mınıstrligi

Belsendi kezeń 2024 jyly bastalyp, 2026 jyldyń sońyna deıin aıaqtalady.

Sondaı-aq, ekinshi JEO-da №3 qazandyq pen №1,2 týrbınalarǵa kúrdeli jóndeý jumystary jasalyp bitken.

№ 5 qazandyqty kúrdeli jóndeý jumystary aıaqtalýǵa jaqyn. 

Jalpy «Almaty elektr stantsııalary» AQ boıynsha jóndeý naýqany qarasha aıynyń sońynda aıaqtalady.

Kúzgi-qysqy jaǵdaıda jumysqa daıyndyq pasporty alynǵan.