Almatynyń densaýlyq saqtaý salasyna 334,2 mlrd teńge bólindi

<p>ALMATY. KAZINFORM &ndash; Bıyl Almaty qalasynyń densaýlyq saqtaý salasynyń bıýdjeti 334,2 mlrd teńge. Onyń 158,5 mlrd teńgesi MÁMS paketine tıesili. Bul týraly óńirlik kommýnıkatsııalar qyzmetinde ótken baspasóz máslıhaty barysynda medıtsınalyq saqtandyrý qorynyń Almaty qalalyq fılıaly dırektory Tileýhan Ábildaev aıtty.</p>

«2024 jyly almatylyqtar medıtsınalyq kómekti 213 emdeý mekemesi arqyly ala alady, onyń 122-si – jeke menshik. Bıyl qyzmet kórsetýshiler sany jańa on klınıkamen tolyqty, olardyń deni bastapqy medıtsınalyq-sanıtarlyq kómek kórsetetin mekemeler, ıaǵnı emhanalar men stomatologııalyq klınıkalar. Olardyń tizimimen Qordyń fms.kz saıty arqyly tanysýǵa bolady», - dedi Qor dırektory.

Aıtýynsha, bıyl Qor men medıtsına uıymdarynyń jumysynda kóptegen protsester ońtaılandyryla bastady.

Birinshiden, qarjyny medıtsına uıymdary arasynda bóliske salý protsesi tolyǵymen avtomattandyryldy. Bul qarjylandyrý ádisin barynsha tezdetýge múmkindik beredi.

«Memleket basshysynyń tapsyrmasy boıynsha Biryńǵaı qyzmet paketin kezeń-kezeńmen qalyptastyrý jumystary qolǵa alyndy. Qazirdiń ózinde úsh nemese odan da kóp kelisimsharttyń ornyna bir kelisimshart, qos qarjylandyrý kóziniń ornyna – bir pýldy paıdalaný jobasy júzege asyrylyp jatyr. Bul basy artyq qaǵazbastylyqtan aryltyp, ásirese, dárigerlerdiń jumysyn jeńildetedi. Munyń patsıentterge keri áseri bolmaıdy, olar medıtsınalyq kómek túrlerin burynǵysha paıdalana bermek», - dedi fılıal dırektory.