Almatynyń densaýlyq saqtaý basqarmasyna jańa basshy keldi

<p>&nbsp; ALMATY. KAZINFORM - Almaty ákimi Erbolat Dosaevtyń ókimimen qalanyń qoǵamdyq densaýlyq saqtaý Basqarmasy basshysynyń mindetin atqarýshy bolyp Ásııa Aıqanqyzy Aqanova taǵaıyndaldy.</p>

Ásııa Aqanova dárigerler otbasynda týyp-ósken.«Bolashaq» baǵdarlamasynyń túlegi bola otyryp, University College London (2013 jáne Asfendııarov atyndaǵy Qazaq ulttyq medıtsına ýnıversıtetin (2015), «Jalpy Medıtsına» mamandyǵy boıynsha doktorantýrany (2016) bitirgen.

Sondaı-aq, Qazaqstan Respýblıkasy Prezıdentiniń janyndaǵy Memlekettik basqarý akademııasynda jergilikti jáne memlekettik basqarý mamandyǵy boıynsha oqýyn aıaqtady (2024). Іskerlik ákimshilendirý magıstri dárejesine ıe.

Ásııa Aqanova eńbek jolyn 2011 jyly QazUMÝ otbasylyq medıtsına kafedrasynyń zerthanashysy jáne ádiskeri, dotsenti, keıin kafedra meńgerýshisi bolyp bastaǵan.

2018-2020 jyldar aralyǵynda Almatyda belsendi uzaq ómir súrý ortalyǵynyń ashýmen jáne oǵan basshylyq jasaýmen aınalysty.

2022 jyldan bastap qazirgi ýaqytqa deıin ol VIII saılanǵan Almaty qalasy máslıhatynyń depýtaty.

Sonymen qatar, búgingi kúnge deıin ál-Farabı atyndaǵy QazUÝ otbasylyq medıtsına kafedrasynyń dotsenti retinde ǵylymı-pedagogıkalyq qyzmetin jalǵastyryp jatyr.

Aıta keteıik, osy ýaqytqa deıin qoǵamdyq densaýlyq saqtaý basqarmasyn eki jyl Iran Shametekov basqardy.