Almatynyń birneshe yqsham aýdanynda sý berý ýaqytsha toqtatyldy

<p>ALMATY. KAZINFORM &ndash; Bostandyq aýdanynda ornalasqan elektr jelilerinde apat bolyp, saldarynan megapolıstiń birneshe yqsham aýdanynda sý berý ýaqytsha toqtatyldy. Bul týraly aýdan ákimdiginiń baspasóz qyzmeti áleýmettik jelide habarlady.&nbsp;</p>

– Ál-Farabı dańǵylynyń ońtústigindegi elektr jelilerindegi apatqa baılanysty «Asqartaý», «Ermensaı», «Aqtóbe» yqsham aýdanynyń turǵyndary sýsyz qalady. Aldyn ala boljam boıynsha, elektr energııasynyń berilý ýaqyty – 16:00, - delingen habarlamada. 

Aıta keteıik, buǵan deıin atamysh aımaqtyń turǵyndary sý sorǵy stantsııasyndaǵy apattyń saldarynan bir aptaǵa jýyq sýsyz qalyp, jańbyr sýyn shelekpen jınaǵanyn jazǵanbyz. Al, Almaty qalasynyń ákimdigi «Asqartaý», «Ermensaı», «Aqtóbe» shaǵyn aýdandarynyń 20 myń turǵynyn sýsyz qaldyrǵan kompanııany sotqa beretinin habarlaǵan bolatyn.