Almatynyń birqatar shaǵyn aýdany gazsyz qaldy

<p>ALMATY. KAZINFORM &ndash; Almaty oblysy Qarasaı aýdany Abaı aýylynda bolǵan apat saldarynan Almatynyń birneshe shaǵyn aýdany gazsyz qaldy.</p>

Naýryzbaı aýdanynyń ákimi Názıra Toǵyzbaevanyń aıtýynsha, Almaty oblysy Qarasaı aýdany Abaı aýylynda ortasha qysymdy magıstraldy gaz qubyryna aýyr júk kóligi soǵylǵan.

Tótenshe jaǵdaı 20 aqpan keshki saǵat 21:50 shamasynda boldy.

«Saldarynan Naýryzbaı aýdanynyń birneshe shaǵyn aýdany gazsyz qaldy. Apat bolǵan jerge shuǵyl qyzmettik top jetti. Qazirgi ýaqytta apatty qalpyna keltirý jumystaryna qalanyń barlyq kommýnaldyq kásiporyndary men qutqarý qyzmeti jumyldyryldy», - delingen habarlamada. 

Almaty ákimdiginen atap ótkendeı, búgin, tańǵy saǵat 08:06-da dánekerleý jumystary aıaqtaldy. Gaz berý kezeń-kezeńimen qalpyna keltiriletin bolady.