Almatynyń bir aýdanynda eki kún sýyq sý bolmaıdy
«Almaty Sý» kásipornynyń málimetinshe, 12 maýsym saǵat 00:00-den 14 maýsym saǵat 08:00-ge deıin sýmen jabdyqtaý jelilerinde tehnologııalyq jabdyqty aýystyrý boıynsha josparly profılaktıkalyq jumystar júrgiziledi. Osyǵan baılanysty Jetisý aýdanynda Rysqulov – Lobachevskıı – Seıfýllın – Aqpaev kósheleriniń kontýrynda sýyq sý berý ýaqytsha shekteledi.
Jumys barysynda Túrksib aýdanynyń Rysqulov dańǵyly – Seıfýllın dańǵyly – Jumabaev kóshesi – Jansúgirov kóshesiniń boıynda sý qysymynyń tómendeýi kútilýde.
«Bekitkish armatýrany jáne ózge de tehnologııalyq jabdyqty aýystyrý jónindegi jumystardy ýaqtyly oryndaý atalǵan ýchaskelerdiń tutynýshylaryn sapaly jáne turaqty sýmen qamtamasyz etýge múmkindik beredi», - dep habarlady «Almaty Sý» MKK.
Áleýmettik nysandar úshin avtotsısternalarmen sý tasymaldaý júzege asyrylady.