Almatynyń Arbatyndaǵy abattandyrý jumystary kúzde aıaqtalady

<p>ALMATY. KAZINFORM &ndash; Almatyda Panfılov kóshesi Qabanbaı batyr kóshesinen Jibek jolyna deıin abattandyrylady. Bul týraly qala ákimi Erbolat Dosaev málim etti.</p>

Aıtýynsha, joba aıasynda kópjyldyq butalardy otyrǵyzý esebinen jol bóligi jańartylyp, jasyl aımaq ulǵaıtylady. Sondaı-aq qoldanystaǵy shaǵyn arhıtektýralyq nysandar jańartylady.

Foto: Almaty ákimdigi

Sonymen qatar, Jibek Joly kóshesinde taǵy 1 modýldik polıtsııa pýnkti ornatylady.

Foto: Almaty ákimdigi

Qala basshysy atap ótkendeı, jumystar qyrkúıek aıynda bastalyp, osy jyldyń qarasha aıynyń sońyna deıin aıaqtalady.

Eske sala keteıik, Panfılov kóshesin Jibek Joly men Qabanbaı batyr kóshelerinen aýqymdy qaıta qurý 2017 jyly bastalǵan bolatyn. Osy qıylysatyn kóshelerdegi serýendeý aımaǵynyń jalpy uzyndyǵy 1,4 shaqyrymnan asady.

Munda ártúrli vorkaýt-aımaqtar men oıyn alańdary, qolóner dúkenderi, oryndyqtar men qondyrǵylar paıda boldy, zamanaýı jáne dástúrli óner festıvalderi ótkiziledi.

Aıta keteıik, búgin Almaty qalasynyń ákimi Erbolat Dosaev Almaly aýdanynyń turǵyndarymen kezdesti.