Almatyny taza ustaıyq – Asanáli Áshimov

<p>ALMATY. KAZINFORM &ndash; &laquo;Almaty &ndash; bizdiń ortaq úıimiz&raquo; aktsııasy aıasynda óner adamdary 500-den astam kóshet otyrǵyzyp, aryq jelisin qoqystan tazalap, qorshaýlardy syrlady.</p>

Almaty ákimdiginen málim etkendeı, óner adamdary Abaı jáne Alataý dańǵyldarynyń qıylysynda 300 alma jáne 200 qaraǵaı kóshetterin otyrǵyzdy. Sondaı-aq Ortalyq mádenıet jáne demalys saıabaǵy mańynda aryq jelisin tazalap, qoqys jáshikteri men qorshaýlardy boıady.

Foto: Almaty ákimdigi

Sondaı-aq, estrada juldyzdarynyń qatysýymen «Seıfýllın» skveriniń aýmaǵyna 100 kóshet otyrǵyzyldy.

«Sý tasqyny saldaryn joıýǵa baılanysty sońǵy oqıǵalar ár adamǵa oı salǵany anyq. Eń aldymen, biz barymyzdy baǵalaýǵa tıispiz. Tabıǵı apat tek aýmaqtyq turǵyda bizdi aınalyp ótti, desek te bul oqıǵalar kóptegen adamnyń ómirine qatty áser etti. Biz shynymen de tazalyqty saqtap, barshany tabıǵatty aıalaýǵa shaqyrýymyz kerek. Shyn máninde, kóringen jerde qoqys tastamaý, ınfraqurylymǵa zııan keltirmeý syndy qarapaıym erejelerdi qatań saqtaý,y mindettimiz», – dedi QR eńbek sińirgen qaıratkeri Jubanysh Jeksen.

Qazaqstannyń Eńbek Eri Asanáli Áshimov jastardy qalany tazalaý naýqanynda belsendi bolýǵa shaqyrdy.

«Almaty – 1000 jyldyq tarıhy bar ádemi qala. Men munda 17 jasymnan beri turamyn, ózimdi jergilikti almatylyq sezinemin. Kez kelgen basqa qalada meniń qysymym kóteriledi, al úıge kelgende birden qalypqa keledi. Súıikti qalamyzdy taza ustaıyq. Almaty - Qazaqstannyń betke ustar qalasy. Barlyq áriptesterimdi jáne jas talant ıelerin belsendi bolýǵa shaqyramyn», – dedi Qazaqstannyń Eńbek Eri Asanáli Áshimov.

Foto: Almaty ákimdigi

Buǵan deıin Almaty taýlaryna 500 órik kósheti otyrǵyzylǵavny týraly jazǵan edik.

Sondaı-aq, Memleket basshysy sý tasqynyna qarsy is-sharalardy úılestirý jáne sý tasqyny saldaryn joıý jónindegi respýblıkalyq shtab otyrysy barysynda, Taza Qazaqstan – kózboıaýshylyq jasaıtyn senbilik emes ekenin basa aıtqan bolatyn.

«Sý tasqynyna ushyramaǵan óńirlerde meniń tapsyrmammen «Taza Qazaqstan» naýqany bastaldy. Men ákimderdiń bárine bul birrettik naýqan emes ekenin eskerttim. Basqasha aıtqanda, senbilikke shyǵyp, jumys istegen syńaı tanytyp, kózboıaýshylyq jasaýǵa bolmaıdy. Kórshiles elderdegi sekildi bizge de Qazaqstandy kógaldandyrý, óńirler men qalalardyń aýmaqtaryn tazartý jumystaryn únemi júrgizý kerek», – dedi Qasym-Jomart Toqaev.