Almatyny qar basty: Kósheni tazalaýǵa myńnan astam jumysshy shyqty

<p>ALMATY. KAZINFORM &ndash; Almatyǵa bir túnde 19 sm qar tústi. Myńnan astam jol jumysshysy men 425 tehnıka qar tazalaýǵa jumyldyryldy.</p>

Qalanyń kommýnaldyq ınfraqurylymdy damytý basqarmasynyń málimetinshe, túnde 421 birlik arnaıy tehnıka jumys istedi, tańerteń 425 tehnıka jumyldyryldy, kósheni qardan tazalaýǵa 1143 jol jumysshysy shyqty.

«Saǵat túngi 02:30-dan bastap jol polıtsııasynyń patrýldik mashınalarynyń erip júrýimen 13 kolonna qar kúreýmen aınalysty.Tańǵy saǵat 05:00-den bastap 168 birlik shaǵyn kólemdi jınaý tehnıkasynyń kúshimen trotýarlar qardan tazartylýda, bul jumys qazirgi ýaqytqa deıin jalǵasýda. Aıaldamalardy, jer ústi ótkelderiniń turaq «qaltalaryn», áleýmettik mańyzy bar obektilerge ótetin joldardy tazartý jumystary kúsheıtildi. Sondaı-aq jınalǵan qardy syrtqy polıgondarǵa shyǵarý bastalady», - dep habarlady kommýnaldyq ınfraqurylymdy damytý basqarmasy.

Sonymen qatar Polıtsııa departamenti kólik júrgizýshilerin jol júrý erejelerin qatań saqtaýǵa shaqyrdy.

«Almatyda jaǵdaıy turaqty. Ótken táýlikte 8 jol-kólik oqıǵasy tirkelse, búgin tańǵy ýaqytta 3 jol apaty boldy. Almaty polıtsııasy júrgizýshilerdi jol qozǵalysy erejelerin qatań saqtaýǵa shaqyrady» dep habarlady vedomstvodan.