Almatyny qar basty: Bir túnde 52 jol apaty boldy

<p>ALMATY. KAZINFORM - Almatyda qolaısyz kún raıynan bir túnde 52 jol apaty boldy. Osyǵan baılanysty tártip saqshylary júrgizýshiler men jaıaý júrginshilerge úndeý jasady.</p>

Almaty polıtsııasy qala joldaryndaǵy kólik qozǵalysy jaǵdaıyn turaqtandyrý úshin qajetti sharalardy qolǵa aldy.

«Qoǵamdyq tártipti saqtaýǵa jáne jol qaýipsizdigin qamtamasyz etýge 262 patrýldik avtokólikte 611 polıtsııa qyzmetkeri kezekshilik etýde. Saǵat 20:00-den tańǵy 06:00-ge deıingi aralyqta Jedel basqarý Ortalyǵyna jol-kólik oqıǵasy týraly 52 qońyraý kelip tústi, onyń 18-i zardap shekkendermen», - dedi, Almaty qalalyq PD Jergilikti polıtsııa qyzmeti Basqarmasy bastyǵynyń orynbasary Tımýr Noǵaıbaev.

Sondyqtan júrgizýshilerdi asa saq bolýǵa, jyldamdyqty shekten asyrmaýǵa, tejegish pedalin qatty baspaýǵa, eń bastysy, basqa jol qozǵalysyna qatysýshylardy oryndalatyn manevr týraly aldyn ala eskertýge shaqyrdy.

Osyǵan deıin qysqy maýsymda jazǵy dońǵalaqpen júrgen júrgizýshige qansha aıyppul salynatyny týraly jazǵan edik.