Almatylyqtarǵa MÁMS esebinen 1 myńnan astam konsýltatıvtik qyzmet kórsetildi

<p>ALMATY. KAZINFORM &mdash; 2024 jyly almatylyqtar MÁMS esebinen 1156 konsýltatıvtik-dıagnostıkalyq qyzmet túrin paıdalanǵan. Osy jyldyń 9 aıynda Medıtsınalyq saqtandyrý qory atalǵan qyzmetterge 18,1 mlrd teńge jumsady. Bul týraly MSQ Almaty qalalyq fılıalynyń baspasóz qyzmeti habarlady.</p>

Medıtsınalyq saqtandyrý qorynyń málimetine sáıkes, megapolıs turǵyndary arasynda akýsher-gınekologtarǵa suranys joǵary. Odan keıingi oryndarǵa oftalmolog, nevrapotolog, hırýrg, otorınolarıngolog jáne endokrınolog mamandar jaıǵasqan.

Almaty turǵyndary alǵan eń qymbat analız — genniń mýtatsııaǵa ushyraý deńgeıin anyqtaıtyn KRAS analızi. MÁMS paketinde bul analız shamamen 108 myń teńge turady.

Al konsýltatıvtik-dıagnostıkalyq qyzmetter arasynda eń qymbaty — MARS jasandy baýyr apparaty arqyly jasalatyn albýmındi dıalız, quny 2,1 mln teńge. Medıtsınalyq kómektiń bul túri baýyr jetkiliksizdigimen aýyratyn naýqastarǵa kórsetiledi.

Kompıýterlik dıagnostıka arasyndaǵy eń qymbaty — bir fotondy emıssıondy kompıýterlik tomografııa, quny 87 myń teńge.

— 2024 jyldyń 9 aıynda 35 myń kompıýterlik tomografııa jasaldy, oǵan Qor 594,8 mln teńge tóledi. Sonymen qatar 48 myń MRT qyzmeti úshin 686,8 mln teńge tólengen, — dedi MSQ Almaty fılıalynyń dırektory Іlııas Muhamedjan.

Eske salaıyq, budan bylaı shetelge kóship ketken azamattarǵa MÁMS aıasynda dári-dármek rásimdeý múmkin emes.