Almatylyqtardyń túnde úıde qalǵany qanshalyqty qaýipsiz – Seısmologtar jaýap berdi

<p>ALMATY. KAZINFORM &ndash; Almatyda ótken baspasóz máslıhatynda seısmologııalyq baqylaýlar jáne zertteýler ulttyq ǵylymı ortalyǵynyń dırektory Dáýlet Sársenbaev almatylyqtar búgin qatty jer silkinisinen qoryqpaı, úıde qaýipsiz bola ala ma, álde qala syrtynda nemese qabyldaý pýnktterinde kútý kerek pe degen suraqqa jaýap berdi.</p>

«Bizdiń seısmıkalyq qaýipti aımaqta turatynymyzdy túsinýimiz kerek. Jer silkinisi únemi bolyp turady. Men óz basym úıde qalýdy josparlap otyrmyn. Eshqaıda barmaımyn», – dedi Dáýlet Sársenbaev.

Sondaı-aq, buqaralyq aqparat quraldarynyń ókilderi spıkerlerden "Túrkııadaǵy jer silkinisinen keıingideı kúshti aftershok bolý múmkin be?" dep surady. 

«Túrkııada Ońtústik Anadoly jaryǵy boıynda negizgi jer silkinisi bolǵan soń, artynsha aftershoktar tirkeldi. Bul osy aımaqtaǵy jer qyrtysynyń erekshelikterine jáne onda jınaqtalǵan shıelenisterge baılanysty. Bizdiń aımaqqa keler bolsaq, dál osyndaı jaǵdaı Qyrǵyzstannyń, Qytaıdyń shekaralyq aýmaǵynda bar, al bul dúmpýden keıingi silkinister negizgi silkinistiń qýatynan aspady», – dedi Seısmologııalyq baqylaýlar jáne zertteýler ulttyq ǵylymı ortalyǵynyń dırektorynyń orynbasary Nursársen Ózbekov.