Almatylyqtardyń kommýnaldyq qyzmetterge qansha qaryzy bar

<p>ALMATY. KAZINFORM - Qazan aıyndaǵy kórsetkish boıynsha Almatyda 2,2 mıllıon adam turady. Kazinform tilshisi elimizdegi eń iri megapolıs turǵyndarynyń kommýnaldyq qyzmetterge naqty qansha qaryzy bar ekenin anyqtady.</p>

«Almaty sý», «Almaty jylý júıesi», «AlmatyEnergoSbyt» jáne «QAZAQGAZ AIMAQ» AQ Almaty óndiristik fılıalynan alynǵan derekterge sáıkes, 2024 jylǵy 1 qarashadaǵy jaǵdaı boıynsha almatylyqtardyń qaryzy kelesideı:

- Sýmen jabdyqtaý qyzmetteri boıynsha 308 mln teńge;

- Káriz qyzmetteri boıynsha 117 mln teńge;

- Jylý energııasy boıynsha 1 mlrd 587 mln teńge;

- Elektr energııasy boıynsha 90 mln teńge;

- Tutynylǵan taýarlyq gaz boıynsha 808 mln teńge.

Al jeke tulǵanyń ár kommýnaldyq qyzmet boıynsha eń joǵary bereshegi mynandaı:

- sýmen jabdyqtaý qyzmetteri úshin 534,7 myń teńge;

- káriz qyzmetteri úshin 245,9 myń teńge;

- jylý energııasy úshin 1,03 mln teńge;

- elektr energııasy úshin 1 mln 786 myń teńge;

Aıta ketken jón, sýmen qamtamasyz etý jáne káriz qyzmetteri boıynsha tólenbegen bereshek 16 jyl bolsa, jylý energııasy men elektr energııasy boıynsha 3 jyl boıy tólenbeı kele jatqan qaryzdar bar.

Eske salaıyq, buǵan deıin Almaty mańynda 5 myńǵa jýyq abonent kógildir otyn jelisinen ýaqytsha ajyratylǵanyn jazǵanbyz.

Osyǵan deıin Mańǵystaýda bir top turǵyn alaıaqqa jem bolǵandaryn aıtyp, oblystyq prokýratýranyń aldyna jınaldy.