Almatylyqtar joldy jaýyp qalǵan qurylys qoqysyna shaǵymdandy
Jelide jarııalanǵan beınejazbadan jınalǵan qaldyqtar úı aýlasyndaǵy joldardy jaýyp qalǵanyn kórýge bolady. Turǵyndar sózinshe, qurylys qoqysynyń turǵanyna 2 aı bolǵan.
Osy máselege baılanysty Kazinform tilshisi Almaty ákimdigine saýal joldady. Ákimdiktiń baspasóz qyzmeti redaktsııa saýalynan keıin qoqys tastalǵan aımaq tolyq jınalǵanyn habarlady.
— Alem City TK aýmaǵyndaǵy qurylys qoqystaryn «Qazaq Stroy Service» JShS basqarýshy kompanııasy aptasyna eki ret shyǵarady. Qazirgi ýaqytta bul aýmaqty qoqystan tazartý jumystary qolǵa alynǵan. Basqarýshy kompanııa turǵyndardan tazalyq saqtaýdy jáne ol úshin arnaıy belgilengen jerlerge qoqys shyǵarýdy suraıdy, — dep habarlady ákimdikten.
Eske salaıyq, buǵan deıin Almatyda qoqys jáshigine qandaı qaldyqty salýǵa bolmaıtynyn jazǵan edik.